Mat 1 | ZomZIV | STEP | Abraham suan David tapa Jesu Christ khang ciamtehna:

qLk 26:35

Matthew 1

Jesu Khang Simna

1 Abraham suan David tapa Jesu Christ khang ciamtehna: ^a

2 Isaac pa Abraham, ^b

Jacob pa Isaac,
Judah le a sanggam pasalte pa Jacob,
3 A zi Tamar tawh a neih a tapa Perez le Zerah pa Judah,
Hezron pa Perez,
Ram pa Hezron, ^c
4 Amminadab pa Ram
Nahshon pa Amminadab,
Salmon pa Nahshon,
5 A zi Rahab tawh a neih a tapa Boaz pa Salmon, ^d
A zi Ruth tawh a neih a tapa Obed pa Boaz,
Jesse pa Obed,
6 Kumpi David pa Jesse. ^e

Uriah zi a hi ngei tawh a neih a tapa Solomon pa David,

7 Rehoboam pa Solomon,
Abijah pa Rehoboam,
Asa pa Abijah,
8 Jehoshaphat pa Asa,
Joram pa Jehoshaphat,
Uzziah pa Joram,
9 Jotham pa Uzziah,
Ahaz pa Jotham,
Hezekiah pa Ahaz,
10 Manasseh pa Hezekiah, ^f
Amon pa Manasseh,
Josiah pa Amon,
11 Babylon khua pi-a
a saltan lai-ua a neih Jeconiah ^{▼▼1.11 Tua in, Jehoiachin;tg. 12 ah zong}
le a sanggam pasal teng pa Josiah. ^h

12 Babylon a, a saltan khit uh ciang in:

Shealtiel pa Jeconiah, ⁱ
Zerubbabel pa Shealtiel,
13 Abiud pa Zerubbabel,
Eliakim pa Abiud,
Azor pa Eliakim,
14 Zadok pa Azor,
Akim pa Zadok,
Eliud pa Akim,
15 Eleazar pa Eliud,
Matthan pa Eleazar,
Jacob pa Matthan,
16 Joseph pa Jacob hi-a, Joseph zi Mary sung panin Christ kici Jesu a suak hi. ^j

17 Hih bangin Abraham pan David dong khang sawm le li, David pan Babylon a saltan dong khang sawm le li hi-a, saltan khit pan Christ ^{▼▼1.17 Ahikeh Messiah . “Christ”(Greek pau) le “Messiah” (Hebrew pau) a nih in”Sathau Kinilhpa” cihnopna.} dong khang sawm le li ahi hi.

Jesu Christ Suahna

18 Jesu Christ suahzia hih bang ahi hi. A nu Mary, Joseph tawh kiteng dinga kidongsa ahi hi. Amau gel a kigawm ma-un Khasiangtho in Mary a gaiisak hi. 19 A pasal Joseph, mi lungsim dik hi-a, mi lakah daisak nuam loin maksim ding a sawm hi. ^l

20 Ahi hangin tua banga a ngaihsut laitakin Topa vansawltak khat a mang sungah kilanga, “David tapa Joseph aw, Mary paii nau pen Khasiangtho pan ahi manin amah na tenpih ding lauthawng kei in. 21 Tapa khat a nei ding hi; tua tapa in ama mite a mawhna uh panin honkhia ding ahi manin a min Jesu ^{▼▼1.21 Jesu in Greek ah Joshua , Topa in hon a cihna} na phuak in,” a ci hi. ⁿ

22 Kamsangpa tungtawna Topa gensa a tangtun nadingin hihte khempeuh a piang ahi hi. 23 “Tua nungak bit gaii-in tapa khat nei dinga, ama min Immanuel kici ding hi” ^{▼▼1.23 Isa. 7:14} a khiatna in, “Eite tawh Pasian om khawm” cihna ahi hi. ^p

24 Joseph a khanlawh ciangin Topa vansawltak thupiak bangin manga, Mary a tenpih hi. 25 Ahi hangin tapa a suah matengin a luppih kei hi. A suah ciangin a min Jesu a phuak hi. ^q